Ditari

Ballina / Ditari / Intervista
Shkojmë në seancë, e votojmë Mustafën
Fadil Sertolli Publikuar: 06.09.2014 - 08:17

Deputetët e partive të Bllokut (LDK-AAK-Nisma) do të marrin pjesë në seancën konstituive të Kuvendit, që do të mbahet më 12 shtator 2014, por nuk do ta votojnë kandidatin e PDK-së për kryeparlamentar.

Kështu thotë gjatë një interviste të shkurtër për gazetën “Zëri” deputetja e AAK-së, Donika Kadaj - Bujupi, duke shtuar se do ta presin pikën e 127-të të vendimit të Kushtetueses për ta zbatuar dhe, siç thotë ajo, do ta rikonfirmojnë kandidatin e tyre për kryeparlamentar, Isa Mustafën.

Brovina nuk është presidente

Zëri: Pse nuk iu përgjigjët pozitivisht ftesës së Flora Borvinës për takim konsultativ?

Kadaj - Bujupi: Sepse Flora Brovina ka vetëm rol teknik për të drejtuar seancën, i cili rol i caktohet jo për tjetër, përveç moshës që ka rastisur. Ajo nuk është presidente dhe madje i ka tejkaluar kompetencat e saj, duke aktruar në një rol i cili nuk i takon asaj.

Zëri: A do të merrni pjesë në seancën konstituive të Kuvendit dhe si do të veproni?

Kadaj - Bujupi: Po. Sigurisht ne kemi kërkuar që seanca të mos vonohet, madje është dashur të thirret më herët. Do të veprojmë konform aktvendimit, që do të thotë presim pikën 127, e zbatojmë dhe rikonfirmojmë kandidatin tonë, Isa Mustafën kryeparlamentar.

Zëri:  A do ta votoni kandidatin e PDK-së për kryeparlamentar?

Kadaj - Bujupi: Jo. Do ta votojmë kandidatin tonë, z. Mustafa

Zëri: Kushtetuesja ia njeh të drejtën ekskluzive PDK-së për kryetar Kuvendi. A do ta votoni dhe ta shkarkoni më pas kandidatin e PDK-së, apo si?

Kadaj - Bujupi: Deri tek pika 126 dhe 127 ku shpjegohet përgjegjësia e deputetëve në rast të dështimit të PDK-së. Ne presim radhën dhe kemi zgjidhjen, e cila buron nga shumica dërmuese parlamentare në Kuvend.

 

Zgjedhjet, të dëmshme për shtetin

Zëri: A jeni të gatshëm si Bllok të shkoni në zgjedhje të jashtëzakonshme?

Kadaj - Bujupi: Në zgjedhje shkohet për të fituar numrat e mjaftueshëm për të qeverisur vendin. Në rrethanat që jemi s’ka nevojë dhe është e dëmshme për shtetin, është humbje kohe pasi ne kemi shumicën dhe besimin e gjysmë milioni votuesve të cilin do ta zbatojmë me themelimin e institucioneve të reja.

Zëri: A do të mbetet përsëri Ramush Haradinaj kandidat për kryeministër, apo ka gjasa që të mos e keni përkrahjen e LDK-së?

Kadaj - Bujupi: Kuptohet që menjëherë pas zbatimit të marrëveshjes së LAN-it për Parlament do të vazhdojmë punën për formimin e qeverisë në krye me mandatarin e LAN-it, z. Ramush Haradinaj, i cili do të zgjidhet sipas radhës nga, besoj fuqishëm, shumica e deputetëve të Kuvendit.

Zëri: A keni biseduar paraprakisht për këtë çështje me Isa Mustaf?n?

Kadaj - Bujupi: Për dallim prej PDK-së, LAN-i mban fjalën dhe i zbatojmë marrëveshjet e arritura. Nuk ka nevojë që të njëjtat të bisedohen në vazhdimësi. Ne kemi arritur një marrëveshje e cila do të zbatohet në tërësi duke zgjedhur Isa Mustafën kryetar të Kuvendit; z. Ramush Haradinaj kryeministër dhe pozitat tjera të parapara në këtë marrëveshje. Por kryesorja nga kjo marrëveshje do të përfitojnë qytetarët e Kosovës përmes një qeverie, e cila do të kthejë shpresën e njerëzve dhe do të dërgojë Kosovën në familjen e madhe evropiane aty ku e kemi vendin. Një qeveri pa korrupsion, pa ndikime detyruese në institucione të pavarura, transparente dhe e hapur në shërbim të qytetarit.


Komento
Komente (0)

Shkruaje emrin

Shkruaje email adresen

Shkruaje vendin
Shkruaje komentin
1000
Dërgo komentin
Me shume nga Ditari