Ditari

Ballina / Ditari / Ballkan & Botë
"Luftë" në qeverinë serbe, të gjithë armiq
Publikuar: 30.09.2014 - 00:20

Udhëheqësit e Partisë Socialiste serbe, Ivica Daçiq dhe Branko Ruzhiq, vazhdojnë të heshtin ndaj akuzave të pjesëtarit të Partisë Përparimtare, Aleksandar Joviçiq.

Kjo ndoshta nuk do të tërhiqte kaq shumë vëmendjen sikur Joviçiq të mos ishte pjesëtar i partisë së kryeministrit aktual serbe, Aleksandar Vuçiq.

Ndonëse Joviçiq i ka quajtur Daçiqin dhe Ruzhiq “kriminel të mëdhenj”, që pengojnë reformat, udhëheqësia e progresistëve thotë se janë qëndrime personale të Joviçiqit.

Indeksonline citon mediat serbe dhe analistë politik duke thënë se nuk është mirë që qeveria serbe në publik të bëj shkëmbime të qëndrimeve të tilla.

“Këto janë qëndrime personale.Unë merrem më punë dhe nuk dua që të merrem me çështje partiake”, ka thënë shkurtë kryeministri serb dhe kryetari i Partisë Përparimtare serbe.

Mediat serbe thonë se këto janë vetëm disa prej problemeve që kanë dal në shesh para opinionit, probleme këto në mes të partnerëve të qeverisë në Beograd, Partisë Përparimtare dhe asaj Socialiste të Ivica Daçiqit.


Komento
Komente (0)

Shkruaje emrin

Shkruaje email adresen

Shkruaje vendin
Shkruaje komentin
1000
Dërgo komentin
Me shume nga Ditari