Zip

Ballina / Zip / Jeta
Galaxy Note 4, klientët ankohen për dizajnin
Publikuar: 30.09.2014 - 18:42

Pas raportimeve të fundit mbi iPhone 6 Plus-in, ku thuhet se është deformuar gjatë kohës që ka qenë në xhepat e përdoruesve

Shumë kompani, përfshirë këtu edhe Samsung-un, e përdorën këtë rast për të ironizuar kompaninë Apple.

Tani, si duket është radha e Samsung-ut që të përballet me kritika të tilla, sepse sipas një raporti të ri, edhe Samsung Galaxy Note 4 nuk është pa probleme.

Në qytetin e Koresë së Jugut, ku Galaxy Note 4 ka dalë në shitje së fundmi, shumë përdorues kanë filluar të kritikojnë Samsung-un në lidhje me kualitetin e pajisjes.

Ata ankohen se pjesa ndërmjet kasave të telefonit dhe ekranit është shumë e madhe, dhe përdoruesit mund të fusin aty edhe një kartë krediti, siç mund ta shihni edhe në foton e mësipërme.

Kjo bën që telefoni të duket shumë keq, për mos përmendur se boshllëku i madh bën që të futet pluhur dhe ujë tek telefoni, duke çuar kështu në prishjen e tij.

Samsung është informuar mbi çështjen dhe po punon për rregullimin e tij para se ky telefon të dalë në tregun mbarëbotëror.

Sprint po pranon aktualisht porositjet për këtë telefon, i cili do të tregtohet më 17 tetor.


Komento
Komente (0)

Shkruaje emrin

Shkruaje email adresen

Shkruaje vendin
Shkruaje komentin
1000
Dërgo komentin
Me shume nga Zip