Kronika e zezë

Ballina / Kronika e zezë / Kronika e zezë
Dyshohet se maturanti gjilanas gjeti vdekjen derisa ecte në gjumë (Video)
Publikuar: 30.09.2014 - 21:33

Shkoi në ekskursion në Shqipëri si maturant, por një veti që kishte në gjumë, Blend Selmanit ia mori jetën. Dyshohet se 17 vjeçari ra nga ballkoni i një hoteli në Durrës duke ecur në gjumë.

Bekim Kryeziu, profesor i historisë në gjimnazin "Zenel Hajdini" që ishte me nxënësit tregoi çfarë ndodhi.

"Si çdo natë jam munduar të mos na ndodh ndonjë e keqe. Diku në një lartësi prej 2-3 metrash kam parë se një person binte në tokë", tha ai për Klan Kosova.

Kreziu bëri me dije se natën e aksidentit nuk u pa e as nuk u dëgjua diçka e pazakontë nga dhoma ku flinte viktima.

Drejtori i gjimnazit Bekim Mustafa, tha se nxënësit u vendosën nëpër dhoma rreth mesnatës kur sipas tij mbaroi orari i argëtimit.

Megjithatë, ai tha se i ndjeri, me gjasë është zgjuar nga gjumi dhe pa u kthjelluar ra nga ballkoni.

"Ai me shokë ka qenë, edhe a u zgju jerëm s'kemi pasë informata që ai mundet me u qu jerëm", tha ai.

Familjarët e Blendit thanë se ai ishte shumë i gëzuar kur u nis në ekskursion.

"Unë e kam qu me kerr deri te autobusat, kur e morëm prom lajmin në orën 3:30 të natës, thanë i ka thy dy këmbët. Kur shkum na ai veç ke i vdekt", tha agja i Blendit, Fatos Selmani.

Trupi i viktimës arriti në Gjilan të martën ndërsa varrimi i tij bëhet të mërkurën.


Komento
Komente (0)

Shkruaje emrin

Shkruaje email adresen

Shkruaje vendin
Shkruaje komentin
1000
Dërgo komentin
Me shume nga Kronika e zezë
 
Ky portal mirëmbahet nga NGB “Zëri” sh.p.k.. Materialet dhe informacionet në këtë portal nuk mund të kopjohen, të shtypen ose të përdoren në çfarëdo forme tjetër për qëllime përfitimi, pa miratimin e drejtuesve të “Zërit”. Për ta shfrytëzuar materialin e këtij portali, obligoheni t’i pranoni Kushtet e përdorimit .
Të gjitha të drejtat janë të rezervuara © 2010 Portali "Zëri".
[email protected] | [email protected] | Tel: 00 381 38 24 90 71 & 00 381 38 22 24 51